Ginpaubaya na ni Sen. Erwin Tulfo sa Office of the Ombudsman ang pag-usisa sa pag-recant ni Orly Guteza sang iya una nga pahayag.
Ginhimo ni Guteza ang iya recantation sang Agosto 19, pila ka bulan matapos siya magluntad sa Senate flood control investigation kag mag-akusar sang mga indibidwal nga nagbaton sang mga maleta nga may kwarta bilang kickback sa mga proyekto.
Ginapamunuan ni Sen. Tulfo ang Senate Blue Ribbon Committee nga nag-usisa sa amo nga iskandalo.
Suno kay Tulfo, mas maayo nga ang Ombudsman na ang mag-usisa kag magpanabat sa mga posible nga responsable sa isyu.
Para sa senador, kasubong man ang tinutuyo sang Ombudsman kag Senate panel amo ang mapanabat ang bisan sin-o nga nalakip sa kickback scheme.
Ginpahayag man niya nga mas madali ang proseso sa Ombudsman bangud may mga kaso na ini nga madinalag-on nga napanguluhan.
Kun ipadayon pa sa Senate panel ang imbestigasyon, mahimo ini magdugay sang pila ka bulan bangud sa mga hearing.
Pagatutukan man sang Senado ang 2027 National Budget kag ang impeachment trial nga nagakuha sang tatlo ka adlaw kada semana.
Bangud sini, ginkonsiderar ni Tulfo nga mas hapos kag mas madasig nga ipaidalom sa Ombudsman ang pag-usisa sa recantation ni Guteza.
