Ginpaathag ni House prosecutor Terry Ridon nga ang ginabanta P1.5 bilyon nga gina-alegar wala na-deklarar nga manggad ni Vice President Sara Duterte ang rason kun ngaa nag-focus ang prosecution team sa isa ka artikulo sang impeachment.
Suno kay Representative Ridon, base ini sa pag-analisa sang forensic accounting expert nga si Atty. Alexander Cabrera, nga nagabanta nga nagalab-ot sa P817.87 milyones ang konserbatibo nga balor sang gina-alegar unexplained wealth sang bise presidente.
Samtang, ginpahayag ni Manila Representative Joel Chua nga indi kinahanglan mapamatud-an ang tanan nga apat ka impeachment articles bangod bastante na ang isa agud mahukman ang bise presidente. Suno sa iya, mas mahapos maintindihan sang publiko ang alegasyon sang unexplained wealth kag luyag man nila mapadasig ang trial.
Ginpanindugan naman ni House prosecution spokesperson Ace Barbers nga sobra duha ka tuig na nila nga ginaduso ang pagpasabat kay Duterte, nga suno sa iya ginapamatud-an sang mga testigo kag dokumento nga ginpresentar sa impeachment court.
