Pormal nang nangin miyembro sang Lakas-Christian Muslim Democrats (Lakas-CMD) si Ilocos Norte 1st District Representative Sandro Marcos matapos ang iya pagbiya sa Partido Federal ng Pilipinas (PFP).
Nanumpa si Marcos sa nasambit nga partido sang Oktubre 12 sa pagpangulo ni Lakas-CMD Vice President for Mindanao kag Camiguin Lone District Representative JJ Romualdo.
Ang Lakas-CMD ginapangunahan ni anay House Speaker kag Leyte 1st District Representative Martin Romualdez, nga nangin mentor ni Marcos sang una nga termino sini bilang kongresista sang 2022.
Sa pihak sang pagbalhin ni Marcos, nagapabilin nga may 64 ka miyembro ang Lakas-CMD sa House of Representatives, nga amo ang may pinakadamo nga representasyon sa Kamara.
Apang, naga-atubang man sang legal nga paghangkat ang partido bangud sa plunder case nga may kaangtanan sa ginapatihan nga mga iregularidad sa flood control projects.
