Ginduso ni Akbayan Party-list Representative Chel Diokno ang paghatag sang mas dako nga prayoridad sa edukasyon, kalusugan kag mga batakan nga serbisyong panlipunan sa pagplano sang 2027 national budget.
Kabahin si Diokno sa 13 ka mga miyembro sang House of Representatives nga wala nagpabor sa pagpasa sang House General Appropriations Bill nga nagabalor sang P7.2 trilyon.
Suno kay Diokno, dapat masiguro nga nagakadto sa mga kinahanglanon sang publiko ang pondo sang gobyerno, sa baylo nga maglaan sang ginatos ka bilyon ka pesos sa mga proyekto sa imprastraktura nga, suno sa iya, kulang sa nagakaigo nga pagsiyasat, kag sa mga pondo nga mahimo magamit sa pamulitika.
Ginpaathag man sang kongresista nga ang pag-alokar sang pambansang badyet nagapakita sang mga prayoridad sang gobyerno, gani indi dapat mangin rason ang kakulang sang pondo agud mapabay-an ang mga kinahanglanon sang mga estudyante kag pamilya sa bulong.
Samtang, ginpahanumdom ni Diokno nga indi pa pinal ang panukalang badyet bangud pagaagi pa ini sa Bicameral Conference Committee ukon bicam, nga magahiusa sang magkalain-lain nga bersyon sang badyet sang Kamara kag Senado.
Dugang pa niya, kinahanglan nga mangin bukas kag transparent ang proseso sa bicam agud masiguro ang pagpanabat kag masabat ang mga pamangkot sang publiko tuhoy sa paggamit sang pondo sang pungsod.
Chel Diokno, nagduso sang mas daku nga prayoridad sa edukasyon, kalusugan kag batakan nga serbisyo sa 2027 budgetMadumduman nga sang nagligad nga tuig, naghain si Diokno sang resolusyon nga nagatinguha nga mapalig-on ang transparency kag accountability sa pagtalakay kag pag-aprubar sang national budget.
