Ginkwestyon ni PDP-LABAN National Spokesperson Atty. Ferdinand Topacio ang imbestigasyon sang National Bureau of Investigation (NBI) sa pamilya Duterte, nga iya ginakabig nga “scripted” ukon daw may naandan na nga iskrip kag “choreographed” ukon ginplano na nga tikang.
Suno kay Topacio, nagapati siya nga kabahin ini sang padayon nga ginapatihan niya nga pagpamigos kay Vice President Sara Duterte, samtang nagaatubang man ang bise presidente sang impeachment trial sa Senado.
Dugang pa ni Topacio, indi na sila natingala nga ang pamilya Duterte ang ginatutukan sang imbestigasyon sang NBI bangod sa iya ginapatihan nga padayon nga padron sang pagpamigos sa bise presidente.
Apang, ginpanginwala na ni NBI Director Atty. Melvin Matibag ang alegasyon nga nagahimo ang ahensya sang “trial by publicity” sa ila imbestigasyon.
Ginpanindugan ni Matibag nga ang mga nadiskubrehan nga ginapatihan sayop nga deklarasyon sang mga pagkabutang ni Duterte nakabase sa mga ebidensya kag dokumento nga yara sa ila pagpanag-iya, nga ginpasa na sa Office of the Ombudsman para sa nagakaigo nga aksyon.
