Posible nga mag-atubangay si Pinay tennis star Alex Eala sa pamilyar nga mga kontra nga sanday Filipino-Canadian tennis star Leylah Fernandez kag world No. 3 Jessica Pegula sa Wuhan Open.
Matapos ang draw sang Sabado, nahamtang si Eala sa Section 4 sang torneo kag nagahulat pa sang iya kontra sa first round.
Posible nga mag-atubangay sila ni Fernandez kon madaog sini si Ekaterina Alexandrova.
Nag-atubangay na kanday Eala kag Fernandez sa Round of 16 sang Mubadala DC Open, kun sa diin nagdaog si Eala sa iskor nga 6-2, 7-6(1).
Posible man nga makaatubang ni Eala si Pegula sa third round sang torneo, matapos makuha sang Amerikana ang ikaduha nga seed.
Sa duha nila ka nagligad nga pag-atubangay, kasubong nga may isa ka kadalag-an kag isa ka kapierdihan sanday Eala kag Pegula.
