KORONADAL CITY – Nagapakig-angot na ang South Cotabato Provincial Disaster Risk Reduction and Management Office sa Mines and Geosciences Bureau (MGB)-Region 12 agud masolusyonan ang problema sang mga residente nga apektado sang mga tension ground cracks sa banwa sang Lake Sebu.
Kaangot sini, ginaproponer na sang South Cotabato provincial government ang gilayon nga pagbakwit sang yara sa 50 pamilya sa bahin sang Sitio Tuburan, Brgy. Ned tuga sang mga dako nga mga litik sa duta kag amat-amat nga pagkatiphag sang duta.
Suno kay Rolly Doane Aquino, ang hepe sang Provincial Disaster Risk Reduction and Management Office, nga kasamtangan na nila nga ginatumod kabulig ang MGB-12, ang mga relocation sites nga apektado sang nasambit nga kalamidad.
Ini makaligad wala gin-aprubahan sang MGB-12 ang mga nahauna nga proposed relocation areas sa nasambit nga banwa bangud sa risgo nga posible nga dala sang mga ini.
Samtang sang interbyu naman sang Bombo Radyo Koronadal kay Lake Sebu Mayor Floro Gandam nga padayon ang pagbulig nila sa mga residente nga apektado sang nasambit nga kalamidad.
