Gin-athag sang Bureau of Fire Protection (BFP) 12 nga wala pa sila sang nadawat nga pormal nga reklamo tuhoy sa ginahambal nga isyu sang “Slots for Sale” sa sulod sang ahensya.
Sa isa ka panayam sa Bombo Radyo Koronadal, ginpahayag ni Fire Inspector Jimyra Bocala, ang Acting Chief sang Public Information Service sang BFP-12, nga gina-patigayon na ang nagkalain-lain nga tikang agud masolbar kag malikawan ang amo nga sahi sang korapsyon.
Gintumod niya ang pagpatuman sang OPLAN SANTINDIG, isa ka kampanya batok sa anti-corruption kag recruitment scam nga nagatuyo mag-eliminate sang extortion, bribery, kag “palakasan” system sa ahensya.
Suno kay Bocala, ang pag-hire sa mga aplikante sa BFP nagasalig lamang sa ila merit kag pisikal nga fitness, kag ginpamalabagan niya nga may kinahanglan bayaran ang isa ka indibidwal agud makasulod.
Bilang solusyon kag dugang nga tikang sa transparency, ginlunsar man ang BFP Hire System Portal—isa ka computerized kag digital centralized platform.
Paagi sini, mahibaluan ang background information kag real-time scores sang mga aplikante, nga ginkabig nga epektibo nga pamaagi agud madula ukon mapjusan ang mga isyu angot sa “Slots for Sale”.
