Wala anay nakapasa sang counter-affidavit si Senador Robinhood “Robin” Padilla sa preliminary investigation sang Department of Justice.
Suno kay Atty. Jimmy Bondoc, abogado sang isa sa mga kapwa-respondents, may kulang pa nga dokumento sa reklamo, gani ginahulat pa nila ang kompleto nga kopya sang reklamo sang PNP-CIDG batok kay Sen. Padilla.
Madumduman nga ginpasang-atan si Sen. Padilla sang reklamo nga “obstruction of justice” nga may kaangtanan sa alegasyon nga nagbulig siya sa pagpalagyo ukon paggwa sa pasilidad sang Senado sang naggwa ang arrest warrant sang International Criminal Court.
Sa preliminary investigation, personal nga nagtambong si Padilla.
Pagguwa niya sa DOJ, ginsugata siya ni Senador Bong Go bilang pagpakita sang suporta sa iya.
Samtang, gintalana ang sunod nga preliminary investigation sa Oktubre 9, samtang ang pagsumiter sang counter-affidaviit sa Nobyembre 12.
