KORONADAL CITY- Wala na sang kabuhi sang masapwan ang isa ka senior citizen makaligda nga ginhampak sang tubo sa iya nga balay sa Cabral Village, Prk. Marcos, Barangay Rotonda, Koronadal City.
Sa interbyu sang Bombo Radyo Koronadal kay Brgy. Kagawad Michael Suplaag ginkilala ang biktima nga si Rogelio Vinson, 63-anyos, kag residente sang nasambit nga lugar.
Suno kay Kagawad Suplaag, nasapwan na lamang ang biktima nga wala na sang kabuhi kag halos wasak ang ulo sini, puno sang dugo nga ginapatihan nga ginhampak sang tubo nga nangin tunaan sang iya nga kamatayon.
Sa inisyal nga imbestigasyon sang mga otoridad, nadulaan sang kwarta, motor kag iban pa nga gamit ang biktima.
Sa karon, ginahibalo pa kung sin o ang mga suspek o may kahimuan sang krimen.
