Ginpanginwala ni impeachment Defense Spokesperson Atty. Michael Poa nga nagsugot siya sa pahayag ni Atty. Paolo Panelo nga “lokohan” ang impeachment proceedings batok kay Vice President Sara Duterte.
Suno kay Poa, nasakitan siya matapos madalahig ang iya ngalan sa amo nga isyu, bangud wala siya sang kaangtanan ukon pag-uyon sa nasambit nga pahayag.
Ginpahayag ni Atty. Poa nga personal niya nga gin-atubang si Panelo agud klaruhon ang insidente kag mahibaluan ang iya panig.
Suno sa iya, ginpaathag ni Atty. Panelo ang iya bahin kag nagpasalig nga indi na ini liwat matabo.
Ginpahayag man ni Atty. Poa nga iya ginbaton ang pagpaathag ni Atty. Panelo kag ginpili nga klaruhon ang isyu agud indi magpabilin ang wala pag-intindihanay.
Madumduman nga gin-appoint si Panelo bilang bag-o nga spokesperson ni Vice President Sara Duterte, samtang si Atty. Poa naman ang spokesperson sang impeachment defense team.
