Ginalauman nga magaatubang buwas, Setyembre 25, si Senator Robin Padilla sa Department of Justice (DOJ) para magsumiter sang iya counter-affidavit sa reklamo nga obstruction of justice nga ginpasaka batok sa iya kag kay Lt. Col. Jean Alla Yasin Robles.
Ini may kaangtanan sa ginasiling nga pagbulig nila kay Senator Ronald “Bato” dela Rosa nga makapalagyo sa Senate premises sang Mayo 14.
Suno sa DOJ, kabahin lamang ini sang preliminary investigation kag wala nagakahulugan nga napamatud-an na nga may sala ang mga respondent.
Sa impeachment trial ni Vice President Sara Duterte, nagpahayag man si Padilla nga posible amo na ini ang iya katapusan nga adlaw sa Senado.
Gin-admiter man ni Padilla nga nagsakay si Dela Rosa sa iya SUV sang kaagahon sang Mayo 14, apang ginpahayag niya nga indi ini pagpalagyo.
Kasamtangan nga ginpangita si Dela Rosa sang International Criminal Court (ICC) may kaangtanan sa mga alegasyon sang crimes against humanity nga may kaangtanan sa drug war sang administrasyon ni anay Presidente Rodrigo Duterte.
Samtang, ginrekomendar na sang CIDG ang pagpasaka sang obstruction of justice complaint batok kay Padilla kag iban pa nga indibidwal nga ginasuspetsahan nga nagbulig sa paghalin ni Dela Rosa sa Senado.
