KORONADAL CITY – Ginpasiguro ni South Cotabato Police Provincial office director, PCol Samuel Cadungon nga mangin malinong kag mangin masadya ang selebrasyon sang 58 foundation anniversary kag 25th T’nalak Festival apisar sang pagpamahog nga nabaton sang probinsiya.
Sa interview sang Bombo Radyo Koronadal kay PCol. Cadungon, ginpahayag sini nga nakaplastar ang tanan nga mga police forces kag tanan sa security measures nga kinahanglan nga ipatuman sa probinsiya sa bug-os nga selebrasyon sa kasadyahan.
Nagpaandam man ini sa tanan nga mga luyag manggamo sa mga aktibidad nga magapanabat ang mga ini sa tion nga madakpan sang mga otoridad.
Madumduman nga nagpaguwa na sang paalinton ang provincial Government sang South Cotabato sa tanan ng mga dapat kag indi dapat nga himoon sa mga pampubliko nga lugar labi na sa mga lugar nga pagahiwatan sang mga aktibidad sa tion sang kasadyahan.
Gin-awhag man sini ang tanan nga magkadto kag mag sinadya sa bug-os nga kapiestahan sang Tnalak Festival.
