Nagpaandam ang City Traffic Management Office sa mga pumuluyo kag bisita sang Koronadal nga maghalong sa pag-commute bangud ginapaabot ang pagdagsa sang mga pasahero sa Charter Anniversary kag Negosyo Festival.
Suno kay CTMO chief Joy Placer, dapat likawan ang mga colorum nga traysikol nga wala sang nagakaigo nga permit kag mahimo magbutang sa peligro sa mga pasahero.
Ginpahanumdom man niya ang publiko nga maghalong sa mga driver nga nagapanukot sang sobra sa ginapatuman nga pamasahe.
Gina-awhag ang mga commuter nga i-report sa CTMO ang mga colorum nga traysikol kag insidente sang overcharging agud maimbestigahan kag maaksyunan sang otoridad.
Ginpabutyag ni Placer, nga importante ang kooperasyon sang publiko kag mga bisita para mapabilin nga hapsay kag luwas ang transportasyon sa tion sang selebrasyon.
