Natapos na sang House of Representatives ang plenary deliberations sa hagna nga P7.2-trilyon nga General Appropriations Bill ukon GAB para sa 2027.
Ini matapos ang 11 ka adlaw nga pagtalakay sa budget sang nagkalain-lain nga ahensya sang gobyerno, state universities and colleges, kag government-owned and controlled corporations.
Ginpangabay ni House Majority Leader Sandro Marcos ang pagtapos sang sponsorship kag debates sa proposed budget, nga gilayon man gin-aprubahan sang Kamara.
Suno sa proseso, ipaidalom naman ang hagna nga budget sa Budget Amendments Review Sub-Committee ukon BARSc, kun sa diin talakayon ang mga pagbag-o kag realignment sa pondo antes ini ipasa sa ikaduha kag ikatatlo nga pagbasa sa masunod nga bulan.
Suno kay House Appropriations Committee Chairperson Rep. Mikaela Angela “Mika” Suansing, handum sang Kamara nga makabuo sang budget nga magaresponde sa importante nga mga kinahanglanon sang pungsod, samtang ginapabilin ang transparency kag accountability sa pag-usar sang pondo sang gobyerno.
