Nasubuan man ang pila ka mga manunudlo sa pagbiya ni Vice President Sara Duterte Carpio bilang tiglikom sang Department of Education bangud madamo man suno pa ini sang nahimo kag ginatinguhaan nga mahimo kuntani sa iya nga liderato sa kagawaran.
Ini ang nangin reaskiyon ni Ms. Reah Joy Sevillano Halique, Information officer sang DepEd 12 sa interview sang Bombo radyo Koronadal.
Suno sa opisyal, masubo man nga mahibaluan ang pagbiya sang bise presidente apang dako man ang respeto sang kadam-an sa desisyon sang bise presidente kun amu man sini ang luyag niya nga himoon kag makita niya nga mas makapaayo sa kagawaran.
Mangin sila sa DepEd-12 ang nakibot man sa urgent nga pagbiya sang bise presidente bangud nagahilapit naman ang liwat nga pag-abre sang klase.
Apang, pila sa mga nagtatak sa idalom sang pagpamuno ni Duterte amo ang one-month undisturbed vacation sang mga manunudlo nga gina-enjoy nila subong nga bulan sang Hunyo.
Madamo ang nagapamangkot suno pa kun magpabilin ini kun dulaon sang masunod nga tiglikom sang Deped.
Isa pa sa ginalataw amo ang mga pagbag-o nga ipatuman sa “classroom reconstruction” kag madamo pa nga iban nga sa subong nagapabin pa nga pamangkot bangud wala pa napangalanan ang masunod nga Deped Secretary.
Apang sin-u-man ang ibutang sa posisyon nagalaum ang mga katapu sang Deped nga may ikasarang sini nga tungdan ang panginahanglon sang education sector sang pungsod.
