Nagpakig-angut na si Banga Mayor Albert Palencia sa mga bukuthuan sa banwa agud matalakay ang mga concerns nahanungod sa seguridad kag perimeter fences sang mga buluthuan.
Sa interview sang Bombo Radyo Koronadal, ginpahayag ni Palencia nga may yara na sang ginahatag nga assistance halin sa Local Government Unit (LGU) para makabulig sa pagtukod ukon pagpalig-on sang mga pader kag perimeter fences sang mga eskwelahan.
Apang, suno sa alkalde, indi kaya sang LGU lamang nga shoulder ang tanan nga kinahanglanon sang tagsa ka buluthuan. Gani, ginapanawagan niya ang pagbinuligay sang Parents-Teachers Association (PTA) kag iban pa nga stakeholders sa pagpangita sang solusyon sa mga concern sa seguridad.
Ginpahanumdom man ni Palencia ang mga ginikanan nga padayon nga bantayan kag i-monitor ang ila mga kabataan.
Suno sa iya, dapat mangin leksyon sa tanan nga ginikanan ang natabo sa Banga National High School kag mangin rason ini para mas mapabaskog pa ang pag-atipan kag seguridad sang mga kabataan.
