Ginapangabay ni Atty. Antonio Bendita, anay alkalde sang Surallah, South Cotabato, nga madayon ang Barangay kag Sangguniang Kabataan (SK) Elections 2026 sa umalabot nga Nobyembre.
Sa interview sang Bombo Radyo Koronadal, ginpahayag ni Bendita nga dapat ipadayon na ang eleksyon bangud wala naman sang problema nga makapugong sa pagpatigayon sini.
Gindugang niya nga may natalana na nga budget para sa amo nga eleksyon, gani wala na sang rason nga ini pa ipaiway.
Suno kay Bendita, importante nga mapilian sang mga botante ang mga lider nga may ikasarang kag preparado magserbisyo sa komunidad.
Ginpahayag man niya nga dapat maislan na ang mga opisyal nga wala nagaobra sang insakto agud mahatagan sang kahigayunan ang mas kwalipikado kag responsableng mga lider.
