Ginkansela ang impeachment trial ni Vice President Sara Duterte kag session sang Senado sa Martes, Agosto 18, bangud sa ginapaabot nga mabaskog nga ulan kag pagbaha.
Suno sa notice sang Impeachment Court Clerk of Court Renato Bantug Jr., ginkansela ang trial sa mando sang presiding officer bangud sa forecast sang mabaskog nga ulan dala sang Southwest Monsoon ukon habagat.
Ginkanselar man ang plenary session sang Senado sa amo nga adlaw.
Samtang, gintugutan ni Senate President Sherwin Gatchalian ang tanan nga opisyal kag empleyado sang Senado nga mag-work from home bangou sa malain nga panahon.
Ini matapos magpagwa ang Malacañang sang Memorandum Circular No. 128 nga nagamando sang alternative work arrangements sa Metro Manila kag pila ka malapit nga probinsya.
Suno sa advisory, ginrekomendar ini sang National Disaster Risk Reduction and Management Council bangud sa ginapaabot nga mabaskog nga pag-ulan.
Sang Lunes, ginpunggan man anay sang Senado ang impeachment trial ni Duterte alas-2 sang hapon kag ang regular nga session alas-4 sang hapon.
Ginpahayag ini samtang nagpagwa ang state weather bureau sang heavy rainfall advisories bangud sa habagat.
Wala pa ginpahayag kun san-o liwat ipadayon ang impeachment trial kag regular nga session sang Senado.
