Nagpakigbahin sang ila pre-wedding photos sa social media ang The Tale of Nokdu star nga si Jang Dong-yoon kag ang iya asawa nga si Kim Seung-yoon matapos ang ila pribado nga kasal sang Oktubre 10.
Suno sa report, ginhiwat ang seremonya upod ang ila pamilya kag malapit nga mga abyan.
Sa mga laragway, nagpakita ang mag-asawa sang tatlo ka lain-lain nga panapton samtang nagapose sa vintage-inspired nga sulod sang balay kag sa guwa nga napalibutan sang mga tanom.
“My Love. My Muse. My Home,” amo ang caption ni Dong-yoon sa iya post.
Madamo nga fans ang nagpaabot sang ila pagtamyaw kag mga pangamuyo para sa malipayon nga kabuhi sang bag-o nga mag-asawa.
Sang Agosto, gin-anunsyo sang aktor ang ila plano nga magpakasal, kag ginpahayag nga ang madugay na nila nga relasyon nagdala sa ila desisyon nga magtukod sang malipayon nga kabuhi nga magkaupod.
Nagpasalamat man si Dong-yoon sa iya mga fans sa padayon nga pagsuporta sa iya karera kag nagpahayag nga padayon nga magapanikasog bilang aktor kag bilang isa ka tawo.
