Ginpabutyag sang isa ka agarwood farmer ang potensyal sang agarwood farming bilang long-term nga negosyo para sa mga mangunguma sa South Cotabato kag SOCCSKSARGEN.
Suno kay Agarwood Farmer King Belimac, mahimo ini mangin high-value agricultural crop kag dugang nga source of income sang mga mangunguma.
Suno sa iya, nagakinahanglan sang lima tubtob pito ka tuig antes mag-mature ang agarwood, gani kinahanglan ang husto nga pagplano kag pag-atipan.
Ginakabig ni Belimac nga ang Polomolok, Tupi kag Koronadal may angay nga klima kag kondisyon sang duta para sa agarwood farming.
Nagabalor sang P25 tubtob P35 kada isa ang premium agarwood seedlings, kag nagakinahanglan sang ginabulubanta nga 20,000 tubtob 25,000 seedlings kada ektarya.
Para kay Belimac, ang agarwood farming isa ka long-term investment kag indi dapat pagahimuon bilang quick-profit scheme.
Ginapahanumdom niya ang mga interesado nga importante ang paggamit sang quality seedlings, technical knowledge kag husto nga farm management.
Kinahanglan man sundon ang mga legal requirements para malikawan ang problema sa pagpadalagan sang agarwood farm.
Ginapanawagan ni Belimac ang mga mangunguma kag investors nga usisaon anay ang market kag i-verify ang mga investment offers antes magpagwa sang kapital.
