Naaprubahan sa third and final reading sang Sangguniang Panlungsod sang Koronadal ang probisyon sang provisional fare rates ukon temporaryo nga pagsaka sang plete sa mga tricycle-for-hire sa siyudad sang Oktubre 12, 2026.
Sa interview sang Bombo Radyo Koronadal kay Councilor Edwin Abris – Committee on Transportation Chairman, iya ginhan-ay ang pag-apruba sa sa nasambit nga bag-o nga ordinansa sa syudad.
Gindugang pa sang chairman sang komite nga antes mangin pormal nga laye ang pagpasaka sang pamasahe sa syudad, pirmahan anay ini sang alkalde, kag i-publish agud mahibaluan sang publiko.
Kaangot sini, ginpahayag man ni Councilor Abris nga magapahamtang ang LGU Koronadal sang bulletin ukon pahibalo sa city hall, rounball, kag merkado publiko.
Madumduman nga antes sini, nagpetisyon ang City of Koronadal TODA Federation, Inc. (CKTODAF, Inc.) para sa temporaryo nga pagsaka sang plete bangud sa padayon nga pagsaka sang presyo sang produkto nga petrolyo nga nakaapekto sa kita sang mga drayber kag operator.
Gin-paathag ni Councilor Abris sa publiko nga maga-depende ang pagpasaka sang plete sa syudad sa presyo sang produkto petrolyo.
Ini nagakahulugan nga magapabilin sa P15 nga base fare ang plete sa traysikol kun ang petrolyo magapresyo sang P70 panubo, samtang, kun magalab-ot naman sa P70-P100 ang presyo sang petrolyo, magadugang ang pamasahe sang P5.00 nga mahimo na mangin P20.00, dugang nga P5.00 kun magsaka pa sang P100.00 pataas ang presyo sang petrolyo.
Dugang nga pagpaathag ni Councilor Abris nga agud masundan ini sang publiko nga pagbag-o sang plete, may yara sang monitoring pag pag-report sang mga gasoline stations sa LGU Koronadal agud mahibaluan ang pag-adjust sang plete sa traysikol.
Kaangot sini, ginpahayag man ni Councilor Abris nga magapahamtang ang LGU Koronadal sang bulletin ukon pahibalo sa city hall, rounball, kag merkado publiko.
