Ginpahayag ni Ret. Judge Lorenzo Balo, Provincial Legal Adviser sang Sultan Kudarat, nga kulang ang cross-examination sang defense team sa testimonya ni Atty. Alexander Cabrera, forensic accounting expert, sa ika-38 nga adlaw sang impeachment trial batok kay Vice President Sara Duterte.
Sa interview sang Bombo Radyo Koronadal, ginpaathag ni Balo nga base sa iya eksperyensya bilang litigation lawyer kag retirado nga hukom, kulang ang pagbusisi ni defense lawyer Atty. Kristine Ferrer sa substansya sang testimonya ni Cabrera.
Suno kay Balo, sa baylo nga magpokus sa methodology ukon pamaagi nga gin-gamit ni Cabrera sa iya forensic accounting analysis, mas naghatag sang atensyon si Ferrer sa mga teknikal nga aspeto sang testimonya.
Ginpahayag man ni Balo nga base sa iya naobserbahan, daw ginatinguhaan sang depensa nga kuwestyunon ang integridad kag kredibilidad ni Cabrera bilang expert witness, apang para sa iya, wala ini nagresulta sa epektibo nga pag-usisa sa substansya sang testimonya sang testigo.
Kabahin ang testimonya ni Cabrera sa pagpresentar sang prosekusyon sang mga alegasyon may kaangtanan sa ugin-alegar nga wala mapaathag nga manggad kag indi pagdeklarar sang mga asset ni Vice President Sara Duterte.
