KORONADAL CITY- Nagapadayon sa karon ang imbestigasyon sang mga otoridad sa nagluntad nga shooting incident sa Pikit North Cotabato nga kung sa diin duha ka grade 11 students ang ginluthang-patay sa Barangay Ladtingan kag Barangay Calawag, Pikit, North Cotabato.
Ginkilala ang mga biktima nga sanday Jamer Pundato Ebrahim, 21 anyos kag Muhaliden Samgbaan Amer, 20 anyos nga mga residente sang Barangay Poblacion, Pikit, North Cotabato.
Sa interbyu sang Bombo Radyo Koronadal kay PMaj. Arvin John Cambang, ang Hepe sang Pikit MPS sakay suno pa ang duha sang Suzuki Raider 150 motorcycle sang ginluthang ini sang mga suspek.
Gin-igo ang mga ini sa nagkalain-lain nga bahin sang ila nga lawas sang bala nga nangin tunaan sang ila gilayon nga kamatayon.
Gilayon naman nga nagresponde ang mga otoridad kag nagapadayon ang ila nga imbestigasyon sa motibo kag identity sang mga suspek.
Nakuha suno pa sa crime scene ang apat ka basyo sang Caliber .45 nga arams.
Hustisya naman ang singgit sang pamilya.
Madumduman nga una na nga ginpahayag ni PMaj. Arvin John Cambang, ang Hepe sang Pikit MPS nga sila ang padayon nga naga tutok sa ila nga area agud malikayan ang anuman nga krimen ilabi na ang mga shooting incident nga ginpaklaro sang opisyal nga mga isolated cases lamang kag wala sang nagakaangay nga ikabalaka ang mga pumuluyo sa lugar.
