Wala pa sang napresentar ang prosekusyon nga solid kag konkreto nga ebidensya nga nagatudlo kay Vice President Sara Duterte nga nangwarta ukon naghimo sang iregularidad sa mga kontrata sang Davao City government.
Ini ang nangin pahayag ni Bangon Sambayanan People’s Movement Secretary General Jeffrey “Ka Eric” Celiz sa interview sang Bombo Radyo Koronadal.
Ginpahayag ni Celiz nga bisan may mga alegasyon batok sa bise presidente, wala pa ini napamatud-an sang prosekusyon paagi sa ila mga ginpresentar nga ebidensya.
Suno kay Celiz, nagapati siya nga ang ginahimo sang prosekusyon amo ang pag-atake ukon pagpakahuya sa pamilya Duterte, apang wala pa suno sa iya napamatud-an ang mga akusasyon batok kay Vice President Sara Duterte.
Gintumod man ni Celiz ang iya nakita nga isog nga presensya ni Davao City Mayor Sebastian “Baste” Duterte sa impeachment court, nga suno sa iya nagapakita sang kaisog sang pamilya Duterte sa pag-atubang sang mga alegasyon batok sa ila.
