Nagapahayag sang kabudlayan si Vonz Rainier Dayaday, isa ka estudyante, sa epekto sang pagsaka sang presyo sang petrolyo, ilabi na sa mga estudyante nga nagabyahe adlaw-adlaw pakadto kag halin sa eskwelahan.
Sa interview sang Bombo Radyo Koronadal kay Dayaday, iya ginpahayag nga mabug-at ini para sa mga estudyante bangud limitado lamang ang ila weekly allowance kag kinahanglan pa nila ini kinoton para sa iban nga mga balaydan sa eskwelahan.
Suno sa iya, dako ang epekto sang pagsaka sang presyo sang petrolyo sa mga estudyante nga nagasalig lamang sa ila adlaw-adlaw nga allowance para sa pamasahe kag iban pa nga panginahanglanon.
Bangud sini, nagpanawagan si Dayaday sa gobyerno nga magpangita sang madasig nga solusyon kag tikang agud mapanubo ukon mahagan-hagan ang presyo sang gatong sa pungsod.
