KORONADAL CITY- Nangin generally peaceful ang nangin assessment sang Koronadal City PNP sa obserbasyon sang Semana subong nga tuig.
Ini ang nangin pahayag ni PLtCol. Amor Mio Somine, Chief of Police sang Koronadal City PNP sa interbyu sang Bombo Radyo Koronadal.
Suno sa iya, wla sang mga untoward incidents nga nagruluntad sa siyudad bangud sa kooperasyon nga ginpakita sang mga pumuluyo sa Koronadal.
Apang suno pa kay Somine, apisar nga wala sang ano man nga krimen, may yara naman sang napagkit nga mga vehicular accidents nga kung sa diin ang mga ini ang padayon nga gina imbistigahan kung may kaangtanan sa Semana Santa.
Sa kabug-usan, makabig nga sila ang nangin madinalag-on sa pagbantay sa ila tagsa-tagsa ka mga Area of Responsibility bangud sila ang yara 100% workforce.
Sa pihak nga bahin, ginpasalamatan naman sini ang nakigbuylog sa ila nga pwersa ilabi na ang CDRRMO kag iban pa nga ahensya sang gobyerno sa paghatag man snag ligwa agud makapreparar sa kung ano man ang matabo sang tion sang Holiday Season.
Nagapangabay naman ang hepe nga kung mahimo, tayuyon na ini nga maeksperyesyahan sa siyudad agud mamaintain ang kalinong kag seguridad sang mga pumuluyo sa Koronadal.
