KORONADAL CITY- Nag dugang pa sang mga security checkpoints ang mga katapo sang 6ID Philippine Army para nga e-intensify ang ila nga monitoring kag pagbantay sa ila nga mga tagsa tagsa mga ka mga area of responsibility agud nga mapabilin ang seguridad kag katawhayan bangud sa palaabuton nga piniliay sa Mayo 9 ,2022.
Ini ang nangin pahayag ni 6ID Philippine Army Spokesperson, Lt. Col John Paul Baldomar, sa interbyu sang Bombo Radyo Koronadal.
Suno sa opisyal, komitado gid ang PNP kag ang AFP agud nga matinguha lang kag mapabilin ang hapsay nga piniliay sa mga lugar nga dapat balantayan sang mga otoridad kag ginbutang sa strikto nga monitoring sang COMELEC.
Magluwas pa diri, maga butang man sang additional nga mga security measures ang 6ID sa mga terminal sang bus bangud man sa bag-o lang gid nga insidente sang pagpamomba sang isa ka unit sang Rural Transport Bus sa diin naglupok ang isa ka IED nga ginbutang sa plastic bottle sang bleach kag ginbilin sang isa ka suspek sa diin ginpalupok sa sulod sang bus nga nag tuga sang 6 ka pilason sang adlaw sang Dominggo.
