Naglab-ot sa 23 ka mga alkalde sang Lanao del Sur ang nagpirma sa isa ka manifesto agud nga suportahan ang mga ginbuyagyag ni Kapatagan Lanao del Sur Mayor Raida Bansil Maglangit angot sa suno pa pagpamahog ni South Cotabato Governor Reynaldo Tamayo Jr. nga kun sila ang indi magsuporta sa United Bangsamoro Justice Party ukon UBJP sila ang igapa-audit sa Commission on Audit (COA).
Nakasaad sa manifesto nga pirmado sang 23 alkalde nga present sila sa pagsinapol nga ginpatawag ni Pangulong Bongbong Marcos Jr. kag nabatian nila mismo ang mga pamahog ni Governor Tamayo.
Nakasaad sa manifesto ang mga tinaga nga” We, Mayors in the Province of Lanao del Sur, present during the meeting with Governor Tamayo on June 24 at the Diamond Hotel, Manila, AFFIRM and CONCUR with the narration of Mayor Raida Maglangit of the statements of Governor Tamayo in that meeting,”.
Una naman nga ginpanginwala ni MILG – BARMM Minister Atty. Sha Elijah Dumama-Alba ang aligasyon sang mga local chief executives sang Lanao del Sur.
Suno man gani kay Cotabato City Mayor Bruce Matabalao nga kaupod man siya sa nasambit nga pagsinapol kag indi matuod suno pa ang mga akusasyon ni Mayor Maglangit.
Una naman nga ginpaathag ni Governor Tamayo nga ginatuman lamang sini ang mandato ukon direktiba sang pangulo kag wala man suno pa sang malain kun ipaidalom sa audit ang isa ka LGU bangud kinahanglan ini agud mahibaluan kun nagasto sang husto ang pundo sang gobyerno.
