Nagpanawagan ang Malacañang sa mga grupo nga nagapatigayon sang protest actions sa Setyembre 21 nga huptan nga matawhay kag suno sa kasuguan ang ila mga aktibidad.
Suno kay Palace Press Officer Claire Castro, ginakilala sang gobyerno ang kinamatarong sang mga Pilipino sa matawhay nga pagtililipon kag kahilwayan sa pagpabutyag, apang ang pagpahayag sang opinyon indi dapat magtuga sa kalakasan.
Ginapreparahan na sang DILG kag PNP ang natalana nga protesta nga kadungan sang pagdumdom sang ika-54 nga anibersaryo sang deklarasyon sang Martial Law sang 1972.
Ginpasalig man sang Palasyo nga ipatuman sang mga otoridad ang maximum tolerance samtang ginapabilin ang katawhay kag seguridad sa mga protest sites. Nagalaum si Castro nga indi na masulit ang mga insidente sang kalakasan nga narekord sa pila ka bahin sang protesta sang nagligad nga tuig.
