Nagtakop ang una nga hearing sang International Criminal Court sa The Hague, Netherlands sa kaso nga crimes against humanity ni anay Presidente Rodrigo Duterte.
Wala na nakatambong sang personal ang 79-anyos nga anay presidente amo ginpasugtan nalang ini paagi sa video link.
Nag-abot sa masobra 35 ka minuto ang hearing nga kung sa diin diin nagtindog bilang abogado ni Duterte si anay Executive Secretary Salvador Medialdea.
Ginsiling ni Presiding Judge Iulia Motoc, nga tungod confirmation hearing lang ini, wala nila ginpasugtan ang mosyon sang kampo ni Duterte nga kung mahimo ibalhin ini sa masunod nga semana.
Gin-insist ni Medialdea nga dapat tagaan sila sang nagakaigo nga oras agud ma-istorya ang anay presidente sa mga proseso sang hearing apang wala ini ginsugtan sang ICC.
Gin-athag man ni Medialdea nga indi makatarungan ang pag-aresto sang ICC sa anay presidente.
Gintalana sang ICC ang masunod nga hearing sa Setyembre 23, 2025 agud makapreparar sing maayo ang kampo sang anay presidente.
