Ginapasulong sang Department of Agriculture ukon DA ang pagpalapad sang industriya sang palm oil sa Pilipinas agud mamenusan ang halos 90 porsyento nga pagsalig sa imported nga palm oil.
Suno kay DA Secretary Francisco P. Tiu Laurel Jr., isa ini ka maayo nga oportunidad para sa mga mangunguma kag lokal nga negosyante bangud mataas ang demand sa merkado.
Nagapangayo ang DA sang P300 milyon para sa 2027 development budget sang palm oil kag tubtob P1 bilyon nga annual nga pondo sa sulod sang lima ka tuig kun mapasar ang hagna nga Palm Oil Bill.
Target sang gobyerno nga mapalambo ang 300,000 ka ektarya nga palm oil plantations, lakip ang 100,000 ka ektarya antes matapos ang 2028.
Ginapaproponer man sang DA ang pagbutang sang separado nga Deputy Administrator kag dedikado nga team sa Philippine Coconut Authority para magatutok sa palm oil. Ginasuportahan man sini ang Palm Oil Bill kag nagaplano nga irekomendar ini kay Presidente Ferdinand Marcos Jr. bilang urgent bill.
