Ginbawian sang kabuhi ang isa ka suldado samtang pilason naman ang driver sang aksidente nga mabunggo ang mga ini sa concrete barrier sa kalabaon sang Davao-Cotabato National Highway, Brgy. Poblacion, Kidapawan City.
Ginkilala ang napatay nga si Juanito Apare Banquil Jr., 26 anyos, miyembro sang Philippine Army., samtang ang pilason nga driver ang ginkilala kay Ramil Quiao, 22-anyos nga residente naman sang Brgy. Guangan, Makilala, Cotabato
Sandig sa report, samtang ginausoy sang duha ka kalalakihan ang national highway padulong sa banwa sang Makilala sakay sang isa ka Honda XRM kag sang makaabot sa lugar, nadulaan sang kontrol ang driver nga gintunaan sang pagkabunggo sa concrete barrier.
Sa kabaskog sang impact nagtabog ang backrider kag nag-angkon sang malala nga pilas sa ulo nga gintunaan sang kamatayon sini samtang nadala pa sa hospital ang driver sangn motor.
Nahibaluan nga nagikan sa ilimnan ang duha kag magapauli na kuntani sang natabo ang aksidente.
