Ginaprayoridad sang Kamara de Representantes ang sektor sang edukasyon sa panukalang P7.2 trilyon nga national budget para sa 2027 agud mapabakod ang sistema sang edukasyon kag masiguro ang maayo nga palaabuton sang mga kabataan nga Pilipino.
Ini ang ginpabutyag ni House Speaker Faustino “Bojie” Dy III sa iya pagbisita sa South Cotabato Gymnasium and Cultural Center para sa ikaapat nga LegislHear Consultation Program sang Kamara.
Sa panayam sang Bombo Radyo Koronadal kay Speaker Dy, ginpabutyag niya nga importante nga husto kag transparent ang pag-alokar sang pondo agud masiguro nga ang tagsa ka sentimo sang kwarta nga ginapangabudlayan sang mga Pilipino mapadulong sa mga programa nga may daku nga benepisyo sa publiko.
Ginpabutyag pa ni Dy nga dapat mapunta sa husto kag mapuslanon nga mga programa ang tagsa ka piso nga ginahatag sang gobyerno, ilabi na sa mga proyekto nga direkta nga makabulig sa kabuhi sang mga Pilipino.
Gin-insister man niya nga ang tagsa ka piso nga igahin sa mga proyekto kag programa sang gobyerno dapat may konkreto nga epekto kag makabulig sa pagpauswag sang pangabuhian sang tagsa ka pamilya.
