-- ADVERTISEMENT --
Nagboluntaryo nga magpakalbo ang aktres nga si Ryza Cenon para sa iya palaabuton nga pelikula nga “Lihim” sa idalom sang direksyon ni Mikhail Red.
Suno sa aktres, personal niya ini nga desisyon agud nga mangin epektibo gid ang iya pagdala sa iya papel sa amo nga proyekto.
Gindokumento man sini ang iya pagpakalbo sa iya nga latest vlog — istilo nga naapresyar pati sang iya anak.
Ginpabutyag man sang 36-anyos nga aktres ang excitement para sa iya bag-o nga movie kag nagalaum siya nga mapilian ini bilang official entry sa 2024 Metro Manila Film Festival sa Disyembre.
Kaupod sini sa proyekto sanday Heaven Peralejo, Eula Valdez, Nicole Omillo, Phoebe Walker, Mon Confiado, Rafa Siguion-Reyna, Gold Aceron, kag Skywalker David.
