Naga kaangay nga may ara sang diplomasya sa tunga sang Pilipinas kag pungsod China pag abot sa tension sa bahin sang West Philippines Sea agud nga mangin malinong ang magtimbang nga bahin.
Ini ang nangin pahayag ni Cong.Karlos Ysagani Zarate- Representative sang Bayan Muna sa interview sang Bombo Radyo Koronadal.
Suno sa iya, naga kaangay nga e-agi nalang sa diplomatic protest ang kag maayo nga pamaagi ang reklamo sang Pilipinas sa China apesar nga agresibo ang ginapakita sang mga ini sa gina-agawan nga territoryo ukon kadagatan.
Ginpahayag pa sini nga naga kaangay nga maghimo sang tikang ang Pilipinas nga naangot sa interest sini kag indi mag salig sa bulig sang iban nga pungsod parehas sang America bangud mahimo nga mangin tunaan ini sang mas malala nga tension sa gina-agawan nga territoryo kag mas maipit ang Pilipinas sa tunga sang dalagkuan nga mga pungsod parehas sang China kag America.
Ginhatagan man sini sang punto ang pagpangita sang mapag-on nga pamaagi agud nga mangin epektibo ang reklamo sang Pilipinas batok sa China nga nauna na nga nalutos sa 2016 Arbitral ruling
