Gin-anunsyo ni Pope Leo XIV sang Domingo, Oktubre 12, nga magapaidalom siya sa operasyon agud kuhaon ang dyutay nga bukol nga natukiban sa iya baga.
Suno sa report, nakita ang bukol sa isa ka medical check-up nga ginpatigayon sa Santo Papa.
Apisar wala pa maklaro kun malignant ukon cancerous ang bukol nga ginlaragway ini nga “well-contained” kag nasapwan sa temprano nga bahin, suno sa impormasyon nga ginpahayag.
Bangud sini, ginrekomendar sang iya mga doktor nga kuhaon ang bukol paagi sa operasyon.
Apang, wala pa sang dugang nga detalye bahin sa eksakto nga klase sang bukol ukon sa resulta sang dugang nga mga pag-usisa.
Samtang, suno sa pahayag sang Vatican press office, ginapaabot nga magalawig sing isa ka semana ang proseso sang operasyon kag pag-atipan sa Santo Papa.
Wala man sang dugang nga detalye nga ginpahayag parte sa iya eksakto nga iskedyul sang pagpaospital ukon sa iya pag-ayo pagkatapos sang operasyon.
