Ginpahayag ni Presidente Ferdinand “Bongbong” Marcos Jr. nga mahimo mangin seryoso nga pamangkot sa seguridad sang pungsod ang alegasyon nga may kumpanya nga konektado kay Bise Presidente Sara Duterte nga nakabaton sang pondo halin sa China, kun mapamatud-an nga matuod ini.
Sa tunga sang impeachment proceedings batok sa bise presidente, ginpahayag sang Anti-Money Laundering Council (AMLC) nga may kompanya nga may kaangtanan sa iya kag sa iya bana nga nakabaton sang P319 milyon halin sa China kag Hong Kong.
Suno kay Marcos, ang ginapahayag nga pondo halin sa China amo ang isa sa pinakamakabalaka nga bahin sang isyu bangod mahimo ini mag-angot sa seguridad sang pungsod.
Apang, nagalaum ang presidente nga mapamatud-an nga wala sang kamatuoran ang mga alegasyon batok sa bise presidente.
Samtang, ginpanginwala ni Atty. Salvador Paolo Panelo, tagpamaba ni Duterte, ang mga alegasyon.
Suno sa iya, wala sing basihan ang mga pahayag nga ginakonektar ang bise presidente sa China bangud lamang sa ginapahayag nga pagbaton sang pondo.
