Isang robotic electrician ang matagumpay na nakapagsagawa ng live repair sa 10-kilovolt power line sa Qingshan County, China—nang hindi kinakailangang patayin ang suplay ng kuryente.
Binuo ng Hubei Electric Power Research Institute at Wuhan State Grid, kayang gumamit ng robot ng laser technology para magkumpuni ng insulation, magkonekta ng mga cable at maghigpit ng electrical connections habang energized ang linya.
Ayon sa technician na si Wu Xin, idinisenyo ang robot upang makagalaw sa masalimuot na cable networks at magsagawa ng high-precision tasks.
Inaasahang makatutulong ang teknolohiya na mabawasan ang panganib sa mga human electrician at maiwasan ang power interruptions. Maaari rin itong magbukas ng mas ligtas at mas episyenteng paraan ng power-line maintenance sa hinaharap.
