Gintutukan ni Pangulong Ferdinand “Bongbong” Marcos Jr. nga dapat siguruhon sang gobyerno nga hugot kag wala sing lusot ang kaso batok sa mga ginadudahan nga apektado sa korapsyon kag may malig-on nga ebidensya agud wala lusot ang mga “guilty.”
Nagpaandam ang Presidente batok sa pag-file sang mga kaso nga mahina kag wala sing klaro nga ebidensya, bangud ini mahimo magresulta sa mas malain nga kahimtangan. Siling sang Presidente, “Kon pagadali-dalion ang kaso, kulang ang ebidensya, wala pa sing klaro, pero ginpilit, posible gid nga mapierde ang kaso. Mas mag resulta pa ini sang mas malain.”
Ginpabaskug pa ni Marcos nga dapat sundon sang gobyerno ang proseso sang layi sa pag-akto batok sa mga corrupt nga opisyal agud mangin lehitimo ang ila pagpanabat.
Ang iya pahayag nagahalin sa tunga sang padayon nga imbestigasyon sang ICI (Independent Commission of Investigation) sa mga anomalya sa flood control kag iban pa nga infrastructure projects sa nagligad nga dekada.
