-- ADVERTISEMENT --
Opisyal nga ginpahayag sang International Criminal Court ang bag-o nga legal counsel ni anay Presidente Rodrigo Duterte.
Ang bag-o nga abogado amo si Peter Haynes, isa ka British barrister kag eksperto sa international criminal defense. May lapad siya nga kasanayan sa larangan sang internasyonal nga kriminal nga depensa, kag nagsilbi man siya bilang presidente sang ICC Bar Association sa sulod sang pila ka tuig, nga may labaw 30 ka tuig nga eksperyensya.
Sang una, nagtindog man siya bilang abogado ni Joseph Kony, lider sang Lord’s Resistance Army sa Uganda.
Magugunitan nga nagbitiw sa iya posisyon bilang lead counsel ni Duterte si Nicholas Kaufman, kag siya ang ginpuli ni Haynes.
