Nakuha sang Meralco Bolts ang twice-to-beat advantage sa quarterfinals sang Season 50 Philippine Basketball Association Commissioner’s Cup matapos nila malutos ang Terrafirma Dyip, 113-69, sa Ninoy Aquino Stadium.
Nagsaka sa 8-3 nga rekord ang Bolts kag nakaupod sa mga koponan nga may quarterfinal bonus kaupod sang NLEX Road Warriors, Barangay Ginebra San Miguel kag Rain or Shine Elasto Painters.
Halin sa pagsugod, kontrolado na sang Meralco ang hampangmatapos sila makalamang sang dako nga iskor sa first half.
Nanguna sanday Marvin Jones kag Chris Newsome nga may tig-14 puntos, samtang nagdugang man sang double-digit outputs sanday CJ Cancino, Bong Quinto, Javee Mocon kag Brandon Bates.
Sa pihak nga bahin, nagnubo sa 4-8 nga rekord ang Terrafirma kag wala nakahampang ang ila import nga si Mubashar Ali bangud sang food poisoning.
Nanguna naman para sa Dyip sanday Paolo Hernandez kag Jerrick Ahanmisi, apang kulang ini agud makasabay sa mabaskog nga opensa sang Meralco.
