Nagpanawagan liwat ang kampo ni Veronica “Kitty” Duterte sa Korte Suprema nga madali nga aksyunan ang nakabinbing mga petisyon nga nagapangayo sa pagbalik sa Pilipinas sang anay Presidente Rodrigo Duterte halin sa kustodiya sang International Criminal Court (ICC).
Sa isa ka 13-ka-pahina nga “motion to resolve,” ginpahayag ni Kitty nga sobra 14 ka bulan na ang nakaligad nga nakabinbin ang kaso sa Korte Suprema kag halos anum ka bulan na halin sang una nila nga urgent motion.
Suno sa iya, ang padayon nga indi pag-aksyon sang Kataas-taasang Hukuman makalapas sa kalayaan nga dapat protektahan sang mga korte, kag posible magdulot sang pagkawala sang pagsalig sang publiko sa hudikatura.
Sa lain nga petisyon, ginpangayo ni Kitty kaupod sanday Davao City Mayor Sebastian “Baste” Duterte kag Davao City 1st District Rep. Paolo “Pulong” Duterte nga ipauwi ang anay Presidente kag ipakita siya sa mga otoridad sang Pilipinas.
Ginpangmention man ni Kitty ang isa ka Senate resolution nga naga-supporta sa proteksyon sang mga Pilipino batok sa umano nga ilegal nga pag-aresto ukon “extrajudicial rendition” sang iya amay.
Si anay Presidente Duterte naaresto sang Marso 2025 base sa warrant halin sa ICC tungod sang kaso nga crimes against humanity nga may kaangtanan sa mga pagpatay sa idalom sang iya anti-drug campaign.
Sa subong, siya yara sa prisohan sa The Hague, Netherlands para sa nalalapit nga paglilitis sang Pre-Trial Chamber.
