Posible nga indi sa MV Hondius nalatnan sang hantavirus ang una nga kumpirmado nga kaso, suno sa eksperto sang World Health Organization.
Ginpahayag sang technical expert sang WHO nga Anais Legand, nga may incubation period nga isa tubtob anum nga nga semana ang hantavirus.
Bangud sini, posible suno pa nga na-expose na sa virus ang 70-anyos nga Dutch national antes pa man magsakay sa barko.
Nag-umpisa nga maka-eksperyensya sang hilanat, pagpanakit sang ulo, kag mild diarrhea ang pasahero sang Abril 6 antes pa maka-eksperyensya sang respiratory distress kag nagtaliwan sang Abril 11 samtang yara sa biyahe.
Suno sa WHO, kasagaran nga mapasa ang hantavirus halin sa infected rodents pinaagi sa ihi, higko, ukon laway.
Apang, ang strain nga “Andes virus” ang mahimo man mapasa halin sa tawo kakadto sa tawo pinaagi sa close contact kasubong sang paghalok.
Sa walo nga kumpirmado kag ginpatihan nga kaso, nakit-an ang Andes virus sa mga buhi nga pasyente.
Posible man nga ma-ekspeyensyahan ang case fatality rate tubto 40 porsyento.
