Opisyal na nga ginpangalanan sang House of Representatives of the Philippines ang mga miyembro sang prosecution panel nga mangin tagapresentar kag tagaprotektar sang Articles of Impeachment batok kay Bise Presidente Sara Duterte sa magaabot nga impeachment trial sa Senado.
Kabahin sa mga ginpili nga House prosecutors sanday Gerville Luistro, Keith Flores, Bel Zamora, Lorenz Defensor, Joel Chua, Leila de Lima, Chel Diokno, Terry Ridon, Rodge Gutierrez, Kaka Bag-ao kag Lordan Suan.
Suno sa liderato sang Kamara, ang grupo amo ang may responsibilidad nga magpresentar kag magdepensa sang Articles of Impeachment sa Senado sa tion nga mag-convene ini bilang impeachment court.
Ginalauman nga mangin mainit kag masinsinan ang pagtalakay sa mga alegasyon batok sa Bise Presidente, samtang nagapanawagan ang mga mambabatas sang patas kag transparent nga proseso sa pagdinig.
Ginatan-aw ang sini nga tikang bilang isa ka importante nga bahin sang kasaysayan sang Kongreso nga nagapakita liwat sang gahum sang lehislatura sa pagpapanabat sa mga opisyal sang gobyerno.
