Kahapon, nakamit ni Sheryl Tiologo, 39-anyos na residente ng Brgy. Bonbon, Butuan City, ang pangunahing premyo na isang milyong piso sa grand draw ng Buena Mano Salvo Year 20 Promo ng Bombo Radyo at Star FM. Maghahandog siya ng 10 porsiyento ng kanyang napanalunan para sa kanilang simbahan.
Ayon kay Tiologo, kasama ang kanyang asawa, narinig nila ang anunsyo ng kanyang pangalan habang siya ay kumakain matapos maglaba. Hindi niya inaasahan na siya ang magiging ika-81 na miyembro ng Bombo Millionaire’s Club, dahil kaunti lamang ang kanyang entries na naisumite sa ikatlo at ikapitong linggo ng promo.
Puno ng pasasalamat ang kanyang pahayag sa Panginoon, lalo na’t sa loob ng limang taon ng kanyang pagsali sa promos, mga daily prizes lamang ang natanggap niya sa nakaraang pagkakataon. Ngayong isang libong piso lamang ang kanyang hiningi, saka pa ipinagkaloob sa kanya ang isang milyong piso.
Ibinahagi rin ni Tiologo na bahagi ng kanyang panalangin ay isinulat sa papel bilang bahagi ng hamon ng kanilang simbahan upang ilista ang nais nilang biyaya mula sa Panginoon.
Dagdag pa niya, ang natanggap na premyo ay gagamitin sa mga sumusunod:
- Pagpapatapos ng kanilang bahay
- Pagbili ng sasakyan para sa lingguhang discipleship ng simbahan, upang hindi na gumastos ng mahigit isang libong piso kada linggo
- Natitirang halaga bilang puhunan sa kanilang negosyo
