Balor sang piso kontra sa dolyar, nagsarado sa P60.42

Nagsaka liwat ang piso kontra dolyar kag nakahalin na sa lebel sang P61 kada isang dolyar, kadungan sang paglaum sang merkado nga posible nga magpatigayon sang kasugtanan sa tunga sang Estados Unidos kag Iran agud matapos ang tensyon sa Middle East.

Nagsaka ang piso sa 88.5 sentimo kag nagsarado sa P60.42 kada dolyar halin sa P61.305 kada dolyar.

Ini na ang pinakamataas nga pagtakop sang piso halin sang Abril 22, 2026 sang magsarado ini sa P60.13 kada dolyar.

Suno sa mga eksperto, nakabulig sa pag-saka sang piso ang ginalauman nga pagdamo sang remittances sang mga OFW kag foreign exhange sang dolyar sa piso para sa gastuson sa nagahilapit nga pagbukas sang bag-o nga school year halin Mayo tubtob Hunyo 2026.