Nagtaliwan na sa edad nga 80 anyos ang Oscar-winning nga film editor sang orihinal nga Star Wars nga si Marcia Lucas.
Ginpakaslan ni Lucas ang creator sang Star Wars nga si George Lucas sa tion nga ginahimo pa ang una sa tatlo ka mga pelikula sang franchise.
Suno sa iya pamilya, nagtaliwan na si Lucas bangud sang metastatic cancer sa iya puluy-an sa Rancho Mirage.
Nagdaog siya sang Academy Awards para sa Best Film Editing bangud sa pelikula nga Star Wars: A New Hope sang 1977.
Natawo ang aktres bilang si Marcia Griffin sa Modesto sang 1945, kag didto nagsugod ang iya karera bilang film librarian antes nangin isa siya sa mga ginatahod nga editors sa Hollywood.
Nangin kabahin man siya sang mga pelikula sang direktor nga si Martin Scorsese pareho sang Alice Doesn’t Live Here Anymore, Taxi Driver kag New York, New York.
Nagbalik siya sa pagtrabaho sa Star Wars franchise kag nangin kabahin sang pag-edit sang The Empire Strikes Back sang 1980 kag Return of the Jedi sang 1983.
