Ginpahayag sang Qatar nga padayon pa ang mga paninguha agud matapos ang giyera sa tunga sang Iran kag United States.
Suno kay Qatari Foreign Ministry spokesman Majed al-Ansari, indi na malikawan nga madamo na ang naapektuhan sang nagapadayon nga giyera, ilabi na sa energy supplies, food security, industriya kag global supply chains.
Suno sa iya, importante nga makahimo dayon sang desisyon ang mga opisyal sang Iran agud malikawan ang dugang pa nga epekto sang giyera kag mapahilayo ang mga pungsod sa sini nga krisis.
Ginpahayag man ni al-Ansari nga nagahimo sang mga tikang ang Qatar para makab-ot ang isa ka diplomatic resolution kag mabalik ang freedom of navigation sa Strait of Hormuz.
Padayon ang mga diplomatic effort sang Qatar samtang ginapangita ang paagi agud mauntat ang pag-inaway kag mabalik ang kalinong kag seguridad sa rehiyon.
