Ginkumpirma ni Ramil Madriaga, ang gina-alegar nga bagman sa Kamara nga nakabaton siya sang direktiba halin kay VP Sara Duterte angot sa isa ka gin-alegar “delivery” sang Disyembre 2022, may kaangtanan sa kontrobersyal nga pag-usar sang P125 million nga confidential funds.
Sa interogasyon ni Lanao del Sur 1st District Rep. Zia Adiong, ginpaidalom sa clarificatory questions si Madriaga agud klaruhon ang detalye sang iya affidavit kag supplemental affidavit.
Direkta nga ginpamangkot si Madriaga kun matuod nga nakabaton siya sang tawag halin sa Bise Presidente sang Disyembre 20, 2022, kag siya nagsabat nga “oo” kag ginkumpirmar ang iya ginpahayag sa affidavit.
Suno sa testigo, pagkatapos sang tawag, nakabaton siya sang text message halin kay Col. Nolasco nga nagasugo sa iya nga magpadul-ong sa Central Office sang Department of Education angot sa isa ka “transport,” nga ginpahayag nga kasubong lang sang “delivery.”
Sa iya pag-abot, nagkita sila ni Col. Nolasco kag Col. Lachica, kag upod man si Special Disbursing Officer Gina Acosta, base sa komite.
